Laerskool Unitas

Laerskool Unitas is ’n unieke Afrikaanse skool in die sentrale Bosveld. Daar is 77 leerlinge vir 2021 by die skool ingeskryf en kom onder andere uit die volgende omgewings: Tolwe, Baltimore, Marnitz, Swartwater, Maasstroom, Tom Burke en Botswana.

Die Personeel van die skool bestaan uit 7 Onderwyseresse, die Hoof, een Administratiewe dame en ’n Faktotum.

Find us on Facebook

Fondse en begroting

Oorspronklik het ons drie Departementele aanstellings gehad. Die Departement van Onderwys het aan die begin van die jaar ’n Departementele pos gesny. Posvoorsiening word bepaal deur die hoeveelheid ingeskrewe leerders by ’n skool, asook die Kwintiel van ’n skool. Alhoewel ons probeer het om die pos te behou is dit deur die Departement afgekeur. Die pos word dus nou ’n Beheerliggaamaanstelling. Hierdie het ’n groot implikasie op ons skool se Finansies. Teen die tyd wat die Departement die pos afgekeur het, was ons begroting reeds goedgekeur vir 2021.

Omdat ons ’n Kwintiel 5 skool is met baie min leerders kry ons bitter min finansiële hulp van die Departement van Onderwys, dus plaas dit baie stremming op die Beheerliggaam en Ouers om fondse te in vir ons skool en ons standaard te handhaaf.

Sport

By Laerskool Unitas moet leerders net die beste onderrig ontvang en na die beste van hulle vermoë vorder. Geen steen word onaangeroer gelaat om dit te bereik nie.

Die doel van ons skool is ook om sport by die skool te bevorder en om die vaardighede van atlete optimaal te ontwikkel.

Ons leerders neem deel aan die volgende sportsoorte: atletiek, rugby, netbal, krieket en hokkie.